Халықаралық музейлер күніне орай Тұңғыш Президенттің тарихи-мәдени орталығында «Уақыт палитрасы» атты бірегей көрменің ашылуы өтті.

Тұңғыш Президенттің тарихи-мәдени орталығында «Уақыт палитрасы» көрмесі салтанатты ашылды. Шара Халықаралық музейлер күніне арналды және «Артефакт» ғылыми-ізденіс жобасының негізгі оқиғасына айналды. Көрмеде Тұңғыш Президент музейінің қорынан алынған Қазақстан Тәуелсіздігі тарихының маңызды кезеңдерін бейнелейтін бірегей картиналар мен экспонаттар ұсынылды.

Күлайша Ақтаева, «Тұңғыш Президент Музейі» корпоративтік қорының директоры: «Біз тарихи-мәдени орталықтың қорына бірнеше артефакт әкеліп отырмыз. Олар — ең құнды болып есептелетін, бұрын көрсетілмеген, қолданылмаған архив және кітап материалдары».

Іс-шара аясында музей қорына жаңа артефакттарды табыстау рәсімі өтті. Көрме бір ай бойы келушілерге қолжетімді болады. Ұйымдастырушылар барша қонақтарды тарихпен танысуға және Тәуелсіз Қазақстанның беймәлім парақтарын ашуға шақырады.