Теміртауда №1 Гимназия жанында автотұрақ аймағын абаттандыру мәселесі шешілуде. Коммуналдық қызметтер, сәулетшілер мен мәслихат депутаттары көшпелі кеңес өткізіп үлгерді.

Теміртауда №1Гимназия ғимараты жанында автотұрақ аймағын жасау жоспарлануда. Көптен бері көтеріліп келе жатқан бұл мәселе қалалық мәслихат пен атқарушы органдар деңгейінде талқылануда.

Аталған округтің депутаты Дмитрий Шим хабарлағандай, жуырда коммуналдық қызметтердің қатысуымен көшпелі кеңес өткізілген. Көру қорытындысы бойынша жоба жүзеге асырылған жағдайда мектеп ауласы мен балалар алаңы зардап шекпейтіні туралы шешім қабылданды.

Дмитрий Шим, Теміртау қалалық мәслихатының депутаты: «Бүгін біз атқарушы органдармен, жер комитетімен, сәулет бөлімімен, ТҮКШ қызметімен жұмыс тобын құрдық. Алдын ала барлық мәселені келістік. Енді кезең-кезеңімен қалай жұмыс істейтінімізді ойластырамыз».

Жобаны қалалық бюджет есебінен жүзеге асыру жоспарлануда, егер оны депутаттар қолдаса. Автотұрақ гимназия ғимаратының алдыңғы жағына қарағанда оң жағында орналасатын болады. Мектеп жанындағы автотұрақ аймағын абаттандыру бастамасын оқу орнының басшылығы да көтерді.

Татьяна Хотенова, Теміртау қаласы » №1 Гимназия» КММ директоры: «Бәрімізге белгілі, Гимназия Республика даңғылы — ең ұзын көше — жанында орналасқан. Қолайсыздықтар бар, бірақ ең бастысы — бұл, әрине, балалардың қауіпсіздігі. Сондықтан ата-аналар мен педагогикалық ұжым болып, қалалық депутаттарға гимназия алдында автотұрақ орнату туралы өтініш жасадық».

Мектеп әкімшілігі мен мәслихат өкілдері бұл жобаның жүзеге асуы балалардың қауіпсіздігін қамтамасыз етуге және ата-аналар мен педагогтар үшін қолайлы жағдай жасауға көмектесетініне сенімді.