Теміртауда Металлургтер даңғылында капиталдық жөндеу жұмыстары жалғасуда. Қала әкімдігінің баспасөз қызметі хабарлағандай, жұмыстар кестеден кешікпей орындалуда.

Теміртауда Металлургтер даңғылында капиталдық жөндеу жұмыстары жалғасуда. Қала әкімдігінің баспасөз қызметі хабарлағандай, жұмыстар кестеден кешікпей орындалуда.
30 шілдеге дейін Амангелді көшесінен айналма жол айырығына дейінгі аралықта жол жабындысын жөндеу аяқталды — бұл 26 500 м² аумақ. Сондай-ақ, 42 800 м² жерде ескі жабынды толықтай алынып тасталды.

Қазіргі уақытта мердігерлер бульвар мен аулалық аумақтарға тас төсеуде, веложолдар салып, жарықтандыру орнатып, ойын және спорт алаңдарын, тренажерлер мен бағдаршамдар құруда. Сонымен қатар асфальт төсеуге негіз дайындау жұмыстары жүргізілуде.

Нысанда күн сайын инженерлік-техникалық құрамды қоса алғанда, 50–60 адам еңбек етуде.

Қазан айының басына дейін Республика даңғылынан Мир көшесіне дейінгі учаскелердегі жұмыстарды аяқтау жоспарланған. Капиталдық жөндеудің толық аяқталуы 2025 жылдың қазан айына жоспарланып отыр — бөлінген қаржы көлемі аясында.